പ്രവാചക വിയോഗാനന്തരം അദ്ദേഹത്തിന്റെ അനുചരന്മാരായ സ്വഹാബികളും പിന്നീട് വന്ന തലമുറകളും എല്ലാം ഉള്‍ക്കൊള്ളുന്ന മുസ്‌ലിം സമൂഹം ലോകത്തിന്റെ വിവിധ ഭാഗങ്ങളില്‍ വ്യാപിച്ചു. മുസ്‌ലിം ലോകം വിശാലമായി. നാളിതുവരെ ലോകത്ത് സജീവമായി മുസ്‌ലിം സമൂഹം നിലനില്‍ക്കുന്നു. അവരില്‍ പല തലങ്ങളിലും സ്തുത്യര്‍ഹമായ സേവനങ്ങള്‍ അര്‍പ്പിച്ച പ്രതിഭാശാലികളുണ്ട്. പണ്ഡിതന്മാര്‍, പരിഷ്‌കര്‍ത്താക്കള്‍, തത്വചിന്തകര്‍, രാഷ്ട്രീയ മീമാംസകര്‍, സാഹിത്യകാരന്മാര്‍, ശാസ്ത്രജ്ഞര്‍ തുടങ്ങി ചരിത്രത്തിലിടം നേടിയ മുസ്‌ലിം വ്യക്തിത്വങ്ങളില്‍ ഏതാനും പേരെ നമുക്ക് പരിചയപ്പെടാം.
