റമദാനിനുശേഷം വരുന്ന ശവ്വാല്‍ മാസം ഒന്നാം തിയ്യതി ഈദുല്‍ഫിത്വ്‌റാണ് (ചെറിയ പെരുന്നാള്‍). അന്ന് നോമ്പെടുക്കല്‍ നിഷിദ്ധമാണ്. ശേഷമുള്ള ആറു ദിവസങ്ങളില്‍ നോമ്പെടുക്കുന്നത് പുണ്യകരമാണ്. അബൂഅയ്യൂബ്(റ)പറയുന്നു. നബി(സ്വ)പറഞ്ഞു: "ആരെങ്കിലും റമദാനിലെ നോമ്പും തുടര്‍ന്ന് ശവ്വാലിലെ ആറും അനുഷ്ഠിച്ചാല്‍ ആ വര്‍ഷം മുഴുവന്‍ നോമ്പനുഷ്ഠിച്ചതുപോലെയാണ്" (മുസ്‌ലിം 1164). ഈ നോമ്പ് ശവ്വാലിലെ ഏതു ദിവസങ്ങളിലും നോല്‍ക്കാമെന്നും ആറും തുടര്‍ച്ചയായി നോല്‍ക്കണമെന്നില്ലെന്നും ഇമാം അഹ്മദും മറ്റും അഭിപ്രായപ്പെടുന്നു.
ഇമാം മാലികും അബൂഹനീഫയും ഇങ്ങനെ ഒരു നോമ്പ് സ്ഥിരപ്പെട്ടിട്ടില്ലെന്ന അഭിപ്രായക്കാരാണ് (ശര്‍ഹു മുസ്‌ലിം 4:313).
