ചരിത്രമാണ് വര്‍ത്തമാനത്തെ പോഷിപ്പിക്കുന്നതും ഭാവിയെ കരുപ്പിടിപ്പിക്കുന്നതും. ചരിത്രം രചിക്കുന്നവര്‍ ലോകത്തിന്റെ ദിശ നിര്‍ണയിച്ചവരാണ്. എന്നാല്‍ ആ ചരിത്രം പില്ക്കാലത്തേക്ക് പകര്‍ന്നുനല്‍കുക എന്നത് ചരിത്രകാരന്റെ ധര്‍മ്മമാണ്. കുറ്റമറ്റ ചരിത്രം തലമുറകളിലേക്ക് പകരുക എന്നതും വലിയ സേവനമാണ്. മുസ്‌ലിം ലോകത്ത് നിരവധി ചരിത്രകാരന്‍മാര്‍ ഇടം പിടിച്ചിട്ടുണ്ട്. ലോകം ചുറ്റിസഞ്ചരിച്ച് വിവിധ രാജ്യങ്ങളിലെ ചരിത്ര-സംസ്‌കാരങ്ങളെ തൊട്ടറിഞ്ഞ അനേകം മുസ്‌ലിം സഞ്ചാരികളും കടന്നുപോയിട്ടുണ്ട്. ആ ചരിതകാരന്‍മാര്‍ നല്‍കിയ സംഭാവനകള്‍ വിലമതിക്കാനാവാത്തതാണ്. വാര്‍ത്താവനിമയം ഇന്നത്തെ പോലെ വ്യാപകമല്ലാത്ത പ്രാചീന കാലഘട്ടങ്ങളില്‍ അറിയപ്പെട്ട ഏതാനും ചരിത്രകാരന്‍മാരെ നമുക്ക് പരിചയപ്പെടാം.